CSR

Inuiaqatigiinni pitsaasumik toqqaannartumik ineriartortitseqataarusukkatta Permagreen CSR Greenland-imi ilaasortaavoq.

CSR Greenland peqatigiiffiuvoq Kalaallit Nunaanni suliffeqarfiit angisuut mikisullu inuiaqatigiinni suliffeqarfimmik akisussaassuseqartumik ingerlatsinissamik toqqaasimasunik ilaasortaaffigineqartoq. Suliffeqarfiit nammineq piumassutsiminnik suliniuteqarput, ataaniittullu ingerlatsivigineqarlutik:

• Inuit atugaannik aamma meeqqanik/inuusuttunik suliaqarneq
• Avatangiisit nukissiuutillu
• Pisinnaasanik ineriartortitsineq ilinniartitaanerlu
• Suliat pillugit ileqqorlunnernik akiuiniarneq aamma suliffeqarfinni ileqqorissaarneq
• Peqqissuuneq atugarissaarnerlu

2011-p aallartinnerani Permagreen peqatigiiffimmi ilaasortanngorpoq. Taassuma kingorna suliniuteqarfiit suut Permagreenip pilersaarusiussanerai aaqqissuussaasumillu suliarissanerai nalilersuinermik aallartitsisoqarpoq. 2011-mi aasap naanerani naammassineqartussatut ilimagineqartumik politikkiliornermik nalilersuineq kinguneqassaaq.