Kollegiamik sananeq tassaavoq kollegiami inissat 37-it ataatsimut ini ilanngullugu betoni qisuillu atorlugit sanaartorneq.

Illup nukissiutinik pisariaqartitaata annertunersaa seqinngup nukinga atorlugu kiattuliuutinik 160m2-iusunik pilersorneqarpoq. Kollegia marlunnik qulereeqarpoq qiteqqorpassuaqarluni,.

Piffissamut pileraarutaaqqaartoq malillugu sanaartugaq 01. august 2010-mi tunniunneqartussaagaluarpoq, kisiannili allannguutit assigiinngitsut pissutigalugit sanaartugaq aatsaat 2010-mi novemberip naanera naammassineqarpoq.

18. juni 2010 pisortatigoortumik atoqqaarfissiortitsisoqarpoq, atoqqaarfissiortitsinermi arlallit oqalugiarput, ilaatigut Jokum Møller, Sanaartornermik Ilinniarfik, borgmester Hermann Berthelsen, Qeqqata Kommunia, Mimi Karlsen, Ilinniartitaanermut Naalakkersuisoq kiisalu Hillerødimi Sct. George Gildet-mit aallartitaq.

Piareersaanerit aammalu aallarnissami pilersaarusiornermilu suliat tamanit nersualaarneqarput, siunissamullu isumalluarneq oqaatigineqarpoq, illu ilinniartullu kollegiami nutaami periarfissaat pillugit.

Sanaartortitsisoq: Imminut pigisoq Kalaallit Nunaanni Ingeniørinngorniat kollegiaat Sisimiuniittoq